GAÑADORES CONCURSO DE CONTOS "DÍA DO LIBRO"

Moitas grazas a todos os participantes no concurso de contos. Especialmente a:


Miguel Bouzas Rodríguez (1º curso)

Marina Collazo Couto ( 4º curso)

Raquel Rosales  Estévez ( 6º curso)

CONCURSO DE CONTOS

Os contos gañadores para celebrar o "día do libro" foron :
         
 1º Ciclo: Miguel Bouzas  Rodríguez ( 1º curso)
 2º Ciclo: Marina Collazo Couto  (4º curso)
 3º Ciclo: Raquel Rosales  Estévez ( 6º curso)

Moitas grazas a todos os participantes.

CONTOS DOS NENOS

Pataquiña convidouvos a escribir un conto para celebrar o día do libro e por eso quere darvos as grazas polo traballo empregado. Non soio lle están gustando moito,  senon que ademais é pataquiña o protagonista dalgúns destes contos. 
O equipo de biblioteca quere comunicarvos a tódolos nenos que xa están chegando a biblio moitos escritos,  e que os estamos a ler moi atentamente .

Nos vindeiros días farase unha exposición con todos eles e despois , poremos no blog os máis valorados.

Esperamos que vos gusten tanto coma a nós.
Mentras tanto mirade nestas fotos algunhas das vosas producións.

O RAP DO LIBRO

Escoitade atentamente esta canción e animarvos  a ler.

23 DE ABRIL: DÍA INTERNACIONAL DO LIBRO

Este Día brinda a oportunidade de reflexionar xuntos sobre o mellor xeito de difundir a cultura escrita e de permitir que todas as persoas, homes, mulleres e nenos, accedan a el, mediante a aprendizaxe da lectura e o apoio ao oficio de edición, as librarias, as bibliotecas e as escolas. Os libros son os nosos aliados para difundir a educación, a ciencia, a cultura e a información en todo o mundo.

A narradora, actriz e directora teatral Paula Carballeira, agasalla as bibliotecas Escolares cun texto que quere motivar ás lectoras e lectores titulado "So un libro"

Non sei que facer.

Miña irmá regaloume un libro.

Un libro.

Entre todos os agasallos que puido escoller, escolleu este.

Un libro.

Por que?

Que lle fixen eu?

Míroo e remíroo.

Sacúdoo, a ver se ten algo entre as follas, ademais de letras e debuxos.

Nada.

É só un libro.

Paréceme inútil, aí quieto, sen moverse.

Éntranme ganas de rompelo, de escachalo, de queimalo, de estragalo...

A ver se así reacciona.

Non.

Que vai reaccionar!

Espera.

O libro espera.

Non se decata de que son máis forte ca el.

Non se decata de que podería esnaquizalo se me deixase levar polo xenio.

Se cadra estase rindo de min.

Crerase moi importante por ser un libro.

Vouno abrir.

Teño curiosidade por saber que escribiron dentro del para que teña eses

aires de superioridade.

Vaia!

Non está nada mal.

Empézame a caer simpático.

Tan caladiño, gardando a súa historia coma quen garda un segredo.

Ás veces penso que a miña irmá pode lerme o pensamento.

Era xusto o que eu quería.

Un libro.

E agora un video :
ROBERTO E OS LIBROS, un conto moi divertido animado para celebrar o día do libro.Un conto que fomenta a lectura e a imaxinación dos nenos.