Pataquinha

Pataquinha

domingo, 31 de decembro de 2017

BENVIDO, 2018! festa de fín de ano 2017

Queremos despedir o 2017 e dar a benvida ao aninovo con este vídeo da festa de fin de ano que fixemos en Cabanas o último día de clase antes das vacacións de Nadal. Como podedes ver, escoitamos as 12 badaladas, carillón incluído. En lugar de uvas, escollemos un petisco máis doce, a ver se adiviñades cal!

Os nenos e nenas viñeron moi elegantes para festexar que chega un novo ano cheíño de sorpresas, e botaron uns bailes con moito ritmo e todas as ganas. Primeiro celebramos a festa de Educación Infantil, no piso de abaixo, e despois do recreo a festa da rapazada de Educación Primaria, no piso de arriba. Pasámolo xenial, e para mostra, aí vai este audiovisual.




Ata o vindeiro ano, vémonos moi pronto. Descansade para coller o 2018 con enerxía.

martes, 26 de decembro de 2017

CANDO MARTIÑO TIVO GANAS DE MEXAR NA NOITE DE REIS

Os nenos de 4º de Primaria interpretaron para os nenos de infantil a obra de teatro "Cando Martiño tivo ganas de mexar na noite de reis"
Fixeron dous equipos e repartiron as actuacións para os nenos de infantil e os de primeiro ciclo de primaria.









domingo, 24 de decembro de 2017

FESTIVAL MUSICAL DE NADAL 2017

Boas festas a todas e a todos! 

Desexámosvos unha feliz noiteboa con este vídeo do que foi o Festival Musical de Nadal 2017 en Cabanas este ano, con actuacións musicais de todos os niveis coordinadas pola profe Raquel. Participaron desde Educación Infantil ata 6º de Educación Primaria, foi un éxito! Agardamos o desfrutedes tanto coma nós en directo.

Felices festas familias, despedímonos ata a próxima con este agarimo musical.


mércores, 6 de decembro de 2017

GAÑADORES CONCURSO CONXUROS 2017



                                                                                     





CONTRA A VIOLENCIA DE XÉNERO

Os nenos de tres anos quixeron facer un video,  o día contra a violencia de xénero,  para recordar a todos cales son as cousas bonitas que se poden facer coas mans e cales nunca debemos facer.
Atentos a esta importante mensaxe



luns, 4 de decembro de 2017

AS 7 MARABILLAS DO MUNDO

Esta fin de semana chegounos unha mensaxe en forma de vídeo da nosa mascota da biblioteca, Pataquiña Pirata, agradecendo todo o traballo de investigación que estades a facer nos distintos niveis sobre as fotografías que deixou nas vosas aulas. 

Resulta que... Estamos ante as 7 marabillas do mundo moderno! Sen a vosa axuda, Pataquiña nunca sabería que as fotografías son destes lugares máxicos sobre os que estades a pescudar. Agora convídavos a seguir axudándolle nesta misión, pois precisa descubrir máis cousas sobre estas construcións tan especiais. Quen as fixo?, Cando se construíron?, Para que servían?... 

Aquí deixámosvos o vídeo de Pataquiña, que está moi feliz de contar coa vosa axuda. Parece que se colaboramos xuntos, todos e todas, poderemos chegar ao final deste misterio.
Pataquiña Pirata e as 7 maravillas from Alba Blanco on Vimeo.

venres, 1 de decembro de 2017

VISITA DE 5º DE PRIMARIA A ONDA CERO


Esta semana fixemos unha saída ben especial! Visitamos a emisora de Onda Cero de Pontevedra.
Foi especial porque coñecemos de primeira man como se fai un programa de radio e algúns convertímonos por uns momentos en locutores, mentres o resto observaba dende a cabina de control todo o proceso de grabación. Toda unha experiencia!
A visita foi o remate do traballo previo realizado na clase. Antes, eleximos os temas dos que falaríamos, buscamos información, elaboramos borradores (canto esforzo para que todo cadrase ben!), traballamos a vocalización e a expresividade… Pero ao final, todo un éxito.
Se queredes escoitarnos, Onda Cero emitirá do 25  ao 29 de decembro, entre as 11:50h. e as 12:00h. as nosas intervencións.

Esperamos que vos gusten!