Fixéronse varias actividades:
- Rincón de libros con recomendacións para lecturas.
- Conversas nas clases sobre o significado dese día.
- Elaboración do libro das mulleres revolucionarias.
Pero o mellor chegou o día 18 de marzo coa visita ó cole de tres mamás: Pili, inspectora xefa de Policía, Ana, científica da Misión Biolóxica e Antía, veterinaria.
Elas viñeron contarnos como a muller pode ser igual que un home e pode ter os mesmos traballos ca eles.
Mirade como nos explicaba Ana o seu traballo como científica.
Antía contounos un montón de cousas interesantes sobre o seu traballo con animais.
Pili tamén nos inspirou co seu relato sobre como chegou a ser inspectora e como é o seu traballo día a día.
E mirade que público hipnotizado e atento tivemos! Normal, as profes tamén estaban co sorriso posto e aprendendo dunha charla tan proveitosa. Pasámolo en grande!
Moitas grazas ás tres.
Ningún comentario:
Publicar un comentario