PONTENCIENCIA 2025: XII FEIRA DA MINICIENCIA

O ALUMNADO DE 5º DE PRIMARIA PARTICIPOU NA XII FEIRA DE MINICIENCIA  RESULTANDO GAÑADORES DO PRIMEIRO PREMIO.  O SEU PROXECTO CONSISTÍA EN XERAR ELECTRICIDADE EMPREGANDO PLACAS FOTOVOLTAICAS E AEROXENERADORES PARA ALIMENTAR UN PARQUE DE XOGOS.

PARABENS PARA O ALUMNADO  E O SEU PROFE XURXO , MAGNÍFICO TRABALLO!!!!!!

LETRAS GALEGAS 2025

   O Día das Letras 2025 está protagonizado polas cantareiras e as cantigas tradicionais galegas. Estas cantareiras preservaron a lingua galega por medio das súas cantigas, e crearon unha poesía popular transmitida de nais a fillas, de avoas a netas, e entre a veciñanza toda. Xurdiron nas rogas, os traballos agrícolas de axuda mutua, rogas que remataban con música e baile e nos que as cantareiras eran as protagonistas. Para as representaren foron escollidas Adolfina e Rosa Casás (Cerceda), Eva Castiñeiras (Muxía), e Prudencia, Asunción Garrido e Manuela Lema, tres das integrantes das Pandeireteiras de Mens (Malpica de Bergantiños).

No noso centro realizamos varias actividades  para conmemorar este día: 
- Exposición de libros sobre as cantareiras.

 

- Paneis informativos sobre o tema.

-  Taller para todo o alumnado de primaria  sobre "As mulleres na música tradicional  galega  e os instrumentos miúdos" a cargo de Erica iglesias.

- Como colofón final recibimos  a visita da agrupación "Aires da Castelada"  para desfrutar  das cantigas e do baile.

OS MAIOS

ESTE ANO DECIDIMOS CELEBRAR O DÍA 1 DE MAIO REALIZANDO O NOSO PROPIO MAIO GRAZAS  A AXUDA DA PROFE CAROL  E DA PROFE ANA COUSO, E COMO NON DA PROFE ANTÍA QUE NOS ENSINOU A COPLA!!!!!

FAMILIAS CONTACONTOS

 UN ANO MÁIS CONTAMOS COAS NOSAS FAMILIAS PARA CONTAR CONTOS E PASAR UN RATIÑO DIFERENTE E DIVERTIDO.

MOITAS GRAZAS A TODAS POLA SÚA PARTICIPACIÓN!!!!

CONTACONTOS DE ALUMNADO DO CEIP MARCÓN

 ONTE RECIBIMOS A VISITA DAS VOLUNTARIAS DA BIBLIOTECA DO CEIP MARCÓN, VIÑERON ACOMPAÑADAS DA PROFE SOLE PARA DELEITARNOS CUNHA ESPECTACULAR DRAMATIZACIÓN DO CONTO "O MONSTRO DE CORES".

 MOTÍSIMAS GRAZAS POR VIR A COMPARTIR ESTE MOMENTIÑO CONNOSCO.

                       

DÍA DO LIBRO 2025: APADRIÑAMENTO LECTOR

 Ao longo desta semana, para conmemorar o día do libro, realizáronse varias actividades , entre elas a do apadriñamento lector do alumnado de 3º a 6º para os nenos e nenas de infantil e 1º de Primaria.

Os padriños e madriñas recolleron os seus afillados nas clases para despois levalos ao patio e contar o conto escollido.

Ademais moitos padriños e madriñas obsequiaron aos seus afillados cun pequeno regaliño feito por eles.

DÍA DAS ARTES GALEGAS : CERÁMICA DE SARGADELOS

 O PASADO MARTES DÍA  1 DE ABRIL FOI O "DIA DAS ARTES GALEGAS", UNHA CELEBRACIÓN INICIADA EN 2015 POLA REAL ACADEMIA DAS ARTES GALEGAS PARA HOMENAXEAR UNHA  FIGURA DESTACADA DA CREACIÓN ARTÍSTICA EN GALICIA. ESTE ANO ADÍCASE ESTE DÍA A ISAAC DÍAZ PARDO, UN ARTISTA MULTIFACÉTICO QUE DEDICOU A SÚA LONGA TRAXECTORIA  Á PINTURA, Á CERÁMICA OU AO DESEÑO, ADEMAIS DE POÑER EN MARCHA UN GRAN NÚMERO DE PROXECTOS  CULTURAIS  E EMPRESARIAIS COMO CERÁMICAS DO CASTRO OU SARGADELOS.

DENDE O NOSO COLE QUIXEMOS HOMENAXEALO CUNHA EXPOSICIÓN DE CERÁMICA DE SARGADELOS E UN PODCAST FEITO POLO ALUMNADO DE 4º DE PRIMARIA (PINCHA AQUÍ PARA ESCOITALO).