CONTACONTOS DE ALUMNADO DO CEIP MARCÓN

 ONTE RECIBIMOS A VISITA DAS VOLUNTARIAS DA BIBLIOTECA DO CEIP MARCÓN, VIÑERON ACOMPAÑADAS DA PROFE SOLE PARA DELEITARNOS CUNHA ESPECTACULAR DRAMATIZACIÓN DO CONTO "O MONSTRO DE CORES".

 MOTÍSIMAS GRAZAS POR VIR A COMPARTIR ESTE MOMENTIÑO CONNOSCO.

                       

DÍA DO LIBRO 2025: APADRIÑAMENTO LECTOR

 Ao longo desta semana, para conmemorar o día do libro, realizáronse varias actividades , entre elas a do apadriñamento lector do alumnado de 3º a 6º para os nenos e nenas de infantil e 1º de Primaria.

Os padriños e madriñas recolleron os seus afillados nas clases para despois levalos ao patio e contar o conto escollido.

Ademais moitos padriños e madriñas obsequiaron aos seus afillados cun pequeno regaliño feito por eles.

DÍA DAS ARTES GALEGAS : CERÁMICA DE SARGADELOS

 O PASADO MARTES DÍA  1 DE ABRIL FOI O "DIA DAS ARTES GALEGAS", UNHA CELEBRACIÓN INICIADA EN 2015 POLA REAL ACADEMIA DAS ARTES GALEGAS PARA HOMENAXEAR UNHA  FIGURA DESTACADA DA CREACIÓN ARTÍSTICA EN GALICIA. ESTE ANO ADÍCASE ESTE DÍA A ISAAC DÍAZ PARDO, UN ARTISTA MULTIFACÉTICO QUE DEDICOU A SÚA LONGA TRAXECTORIA  Á PINTURA, Á CERÁMICA OU AO DESEÑO, ADEMAIS DE POÑER EN MARCHA UN GRAN NÚMERO DE PROXECTOS  CULTURAIS  E EMPRESARIAIS COMO CERÁMICAS DO CASTRO OU SARGADELOS.

DENDE O NOSO COLE QUIXEMOS HOMENAXEALO CUNHA EXPOSICIÓN DE CERÁMICA DE SARGADELOS E UN PODCAST FEITO POLO ALUMNADO DE 4º DE PRIMARIA (PINCHA AQUÍ PARA ESCOITALO).

CONCURSO DE RADIO: PREMIOS JOSÉ HERMIDA 2025

 ESTA  É A NOSA PARTICIPACIÓN NO GRAN CONCURSO DE RADIO DOS PREMIOS JOSÉ HERMIDA DE 2025.

O ALUMNADO DE 2º DE PRIMARA PREPAROU UN ORIXINAL REFRANEIRO A RITMO DE RAP COA PARTICIPACIÓN DOS SEUS AVÓS E AVOAS NA RECOMPILACIÓN DOS REFRÁNS E ADIVIÑAS QUE MÁIS SE ESCOITAN EN PONTEVEDRA!!!!!!

AGARDAMOS QUE VOS GUSTE!.

FAI CLICK NESTE ENLACE PARA ESCOITALO.

ENTROIDO 2025

 ESTE ANO A TEMÁTICA DE ENTROIDO ESTÁ BASEADA NO NOSO PDI "PONTEVÉDRATE" ASÍ QUE RECREAREMOS NA CASA VERDE A NOSA FESTA PIRATA. XA TEMOS O COLEXIO TODO DECORADO  E CONTAMOS CUNHA EXPOSICIÓN DE CONTOS SOBRE PIRATAS , E  ADEMAIS CADA DÍA  O MANDADIÑO PROPOÑERANOS TRAER ALGO  DIFERENTE!!!!! 

                                      BO ENTROIDO!!!!!!!!!!!!

ROSALÍA DE CASTRO

 O PASADO 23 DE FEBEREIRO CELEBRAMOS O DÍA DE ROSALÍA,  E PARA QUE O ALUMNADO RECORDASE A ESTA ESCRITORA TAN IMPORTANTE CONTAMOS NO CENTRO CUNHA EXPOSICIÓN  XESTIONADA POLA COORDINADORA DE NORMALIZACIÓN LINGÜÍSTICA E APORTADA POLO CONCELLO.

CLUBE DE LECTURA

 XA COMEZAMOS CO NOSO CLUBE DE LECTURA CO ALUMNADO DE SEXTO. APROVEITANDO QUE COÑECIMOS A FIGURA DE ANA FRANK POLO DÍA DA PAZ,  DECIDIMOS ESCOLLER O SEU LIBRO  PARA COMEZAR CON ESTE CLUBE.

COMO NOVIDADE , ESTE ANO A LECTURA SERÁ DIXITAL A TRAVÉS DE ELBE.2, UNHA PLATAFORMA DE PRÉSTAMO DIXITAL PARA AS BIBLIOTECAS ESCOLARES.