ALCOUVEBIBLIOTECA

venres, 12 de febreiro de 2016

ONDE ESTOU...?

Ola a todos e todas:

Son Pataquiña e como xa sabedes estou de viaxe percorrendo todo o planeta e visitando países e lugares fantásticos.
Quería facer, con vós, un concurso, e explícovos en que consiste:

Durante tres semanas ireivos dando pistas sobre o país no que me atopo, para que vós poidades descubrir de cal se trata.
Cada semana estarei nun pais diferente e dareivos tres pistas, unha cada día, para que o adiviñedes
Para coñecer as pistas deberedes entrar no blog da biblioteca que como xa sabedes chámase ALVOUVEBIBLIOTECA
Cando saibades a resposta debedes escribila nunha tarxeta que teredes na clase e metela nun buzón que haberá na biblioteca.

Se participas tódalas semanas e acertas o país, poderás gañar un PREMIO.

ÁNIMO E A PARTICIPAR!!!

Un saúdo do voso amigo PATAQUIÑA

ATA O LUNS

sábado, 6 de febreiro de 2016

venres, 29 de xaneiro de 2016

DÍA DA PAZ 2016

O Venres día 29 celebramos todos xuntos o día da Paz.

Todos os nenos do cole, coa axuda do profe Gonzalo escribimos e puxemos música a esta bonita canción que fala de igualdade: "Xuntos no camiño"

Cantade con nós !!!

Ademais durante toda a semana xuntámonos na biblioteca e nas clases e, grazas os nenos de 6º de Primaria que foron os que elaboraron un Power Point das "Patronas mexicanas", puidemos aprender máis cousas destas mulleres e da súa xenerosidade

mércores, 13 de xaneiro de 2016

PREPARANDO O DÍA DA PAZ

O vindeiro día 30 de Xaneiro celébrase o día escolar pola Paz e a non violencia.
Para conmemoralo , este ano imos recordar e homenaxear a "Las Patronas mexicanas", persoas que desenrolan unha importante labor humanitaria ao servizo dos emigrantes indocumentados que atravesan o territorio mexicano no paso cara aos Estados Unidos.

Ver documental Aquí